SAÍDA Á CASA DE PEPE E PILI

 O VENRES FOMOS DAR UN PASEO DE OUTONO NUN DÍA PRECIOSO, BAIXO OS RAIOS DO SOL.

O DESTINO ERA A CASA DE PILI E PEPE, UNS VECIÑOS QUE VIVEN CERCA DO COLE.

DESPOIS DE IR CAMIÑANDO, ALÍ NOS ESTABAN ESPERANDO, NA SÚA CASA.

PUIDEMOS BUSCAR CASTAÑAS NOS SEUS CASTIÑEIROS, FALÁRONNOS DE TODAS AS ÁRBORES QUE TEÑEN NA SÚA FINCA, DE POR QUE CAEN AS FOLLAS NO OUTONO, PROBAMOS O MEL E MARMELO CASEIROS, ETC.

MIL GRAZAS AOS DOUS POLA SÚA HOSPITALIDADE E XENEROSIDADE!!!

E SE QUEREDES VER TODAS AS FOTOS, AQUÍ VOS QUEDA A GALERÍA:

FOTOS SAÍDA CASA PEPE E PILI

MADRIÑAS E PADRIÑOS LECTORES

 O PASADO 24 DE OUTUBRO CONMEMORAMOS O DÍA DAS BIBLIOTECAS ESCOLARES COA ACTIVIDADE DO BOOKFACE.

OUTRA DAS PREVISTAS ERA REALIZAR UN APADRIÑAMENTO LECTOR, NO QUE OS NENOS E NENAS MAIORES DO COLE LLE CONTARÍAN UN CONTO AOS MÁIS PEQUES DURANTE A HORA DE LER.

POR DIFERENTES MOTIVOS TIVEMOS QUE ADIALO ATA O PASADO MARTES.

NA NOSA CLASE TIVEMOS A SORTE DE CONTAR CON AINHOA E CON BRAIS, DA CLASE DE 4º DE PRIMARIA.

AQUÍ PODEDES COMPROBAR QUE ATENTAS E ATENTOS ESTIVEMOS AOS CONTOS QUE NOS TIÑAN PREPARADOS!!!

PINGAS DE AUGA

 COA CHEGADA DO OUTONO CHEGARON OS DÍAS DE CHOIVA.

APROVEITANDO ESTA CONDICIÓN ATMOSFÉRICA FIXEMOS UNHA ACTIVIDADE CONXUNTA EN CLASE UTILIZANDO OS DADOS: UN DE CORES E OUTRO DE PUNTOS (NÚMEROS).

UN POR UN FORON LANZANDO CADA UN DOS DADOS PARA DETERMINAR DE QUE COR E CANTAS PINGAS DE AUGA TIÑAN QUE MARCAR.

REPETIMOS VARIAS VECES O LANZAMENTO, QUE LLES GUSTOU MOITO!!

CONSTRUÍNDO CASTELOS!!

 PARTINDO DE 7 PEZAS E, COMO SE FORA UN PUZZLE, CADA PEQUE FOI CONSTRUÍNDO UN CASTELO AO SEU GUSTO.

COMO PODEREDES COMPROBAR... DEIXARON VOAR A SÚA IMAXINACIÓN E AQUÍ ESTÁ O RESULTADO!!!

CELEBRAMOS O SAMAGOSTO!!

 O PASADO VENRES 28 DE OUTUBRO CELEBRAMOS NO COLE O "SAMAGOSTO", UNHA FESTA NA QUE COMBINAMOS O SAMAÍN CO MAGOSTO.

PARA COMEZAR A XORNADA FIXEMOS UNS EQUIPOS TERRORÍFICOS, NO QUE ESTIVEMOS XUNTOS NENOS E NENAS DAS CLASES DE 3, 4 E 5 ANOS.

AS PROFES TIÑAN PREPARADOS UNS XOGOS XENIAIS POLOS QUE IRÍAMOS PASANDO ATA COMPLETAR O CIRCUÍTO.

AQUÍ VOS AMOSAMOS UN POUQUIÑO DE CADA UN DELES!!

DESPOIS DE TANTO SALTAR, BRINCAR, CORRER, MANTER O EQUILIBRIO, DEBUXAR, BAILAR... TIÑAMOS MOITAS GANAS DE COMER!!! 

E QUE MELLOR MENÚ DE MAGOSTO QUE UNHAS RICAS E QUENTIÑAS CASTAÑAS ASADAS. ALÁ FOMOS CO NOSO CESTIÑO A BUSCALAS.

E, POR SUPOSTO, PARA UNHA FESTA COMA TAL, VESTÍMONOS COAS NOSAS MELLORES GALAS DE SAMAÍN.

TAMÉN PASAMOS POLO "PHOTOCALL" QUE RUFIÑO NOS TIÑA PREPARADO!!

UNHA XORNADA XENIAL NA QUE CONMEMORAMOS DÚAS FESTAS TRADICIONAIS DA NOSA CONTORNA.

NA BÚSQUEDA DAS ARAÑAS!!!

COA PROFE ALICIA FIXEMOS UNHA ACTIVIDADE MOI PRINGOSA, PERO TAMÉN MOI DIVERTIDA, COA QUE O PASAMOS XENIAL!!

NUNHA CAIXIÑA, CHEA DE BÓLAS DE HIDROXEL, TIÑAMOS QUE ATOPAR... ARAÑAS!!!

E SERÍAMOS QUEN DE METER A MAN????

MIRADE, MIRADE...