FESTA DAS LETRAS GALEGAS

 ESTE ANO FESTEXAMOS O DÍA DAS LETRAS GALEGAS CON MOITA MÚSICA E COA GAITA  COMO PROTAGONISTA.

COMEZAMOS A XORNADA COA VISITA DE NADIA VÁZQUEZ, UNHA MÚSICA TRADICIONAL MOI RECOÑECIDA EN GALICIA, ESPECIALISTA EN GAITA GALEGA E TAMÉN EN GAITA BARROCA, SENDO UNHA DAS POUQUÍSIMAS PERSOAS QUE A TOCA NO MUNDO.

NO XIMNASIO GOZAMOS COAS PEZAS INTERPRETADAS COAS SÚAS GAITAS E CON TODA A SÚA SABEDORÍA DESTE INSTRUMENTO.

DESPOIS, XUNTÁMONOS TODO O COLE NA PISTA CUBERTA.

ALÍ, O PROFE JOSE, ACOMPAÑADO DAS MÚSICAS NADIA E NOELIA, TOCOU VARIAS PEZAS.

TAMÉN, TODOS OS GRUPOS FORON CANTANDO E BAILANDO DIFERENTES CANCIÓNS, INCLUÍDOS NÓS, COS COMPIS DE INFANTIL.

UNHA XORNADA DE CONCIENCIACIÓN DA NOSA CULTURA E DE MOITA DIVERSIÓN!!

VISITA DO COELLO DE PASCUA

 E CHEGOU O DÍA MÁIS ESPERADO!! A VISITA DO COELLIÑO DE PASCUA!!

CANDO BAIXAMOS DA BIBLIOTECA, DE FACER O PRÉSTAMO DE LIBROS, ATOPAMOS UNHA CAIXA CUNHA CARTA DO COELLIÑO DE PASCUA.

DURANTE A NOITE O COELLO ACHEGOUSE AO NOSO COLE PARA AGOCHAR OVOS POLO NOSO PATIO.

E ALÁ FOMOS A BUSCALOS: NOS TOBOGÁNS, NA AREA, NA HERBA...

DESPOIS, XA NA CLASE, TIVEMOS QUE RESOLVER UN RETO: ASOCIAR CADA SOMBRA A UN ANIMAL PARA PODER CONSEGUIR O SOBRE COS OVIÑOS.

AQUÍ QUEDA UN ÁLBUM CON TODAS AS FOTOS, AS NOSAS E AS DOS NOSOS COMPIS DE INFANTIL

FOTOS COELLIÑO DE PASCUA

PERO O DÍA AÍNDA AGOCHABA MÁIS SORPRESAS: UN "SIMULACRO" DE EVACUACIÓN COA PARTICIPACIÓN DA POLICÍA E DOS BOMBEIROS.

E XA PARA REMATAR, APROVEITANDO O BO TEMPO, XOGOS NA AREA ANTES DAS VACACIÓNS!!

ORELLAS DE COELLIÑO

 NOS DÍAS PREVIOS Á CHEGADA DO COELLIÑO DE PASCUA FIXEMOS UNHAS ORELLAS DE COELLO PARA RECIBILO CON MOITA ALEGRÍA.

PINTAMOS AS DÚAS ORELLAS E DECORAMOS UNHA CITA DE GOMA EVA.

E ASÍ QUEDOU O RESULTADO!!