ESTACIÓNS DE XOGO E APRENDIZAXE (1)

 DESDE HAI UNHAS SEMANAS ESTAMOS ORGANIZADOS NA CLASE DUN XEITO DIFERENTE.

INICIAMOS O CURSO CON DÚAS MESAS DE TRABALLO E XOGO E, AGORA, ESTAMOS DISTRIBUÍDOS EN 4 EQUIPOS DISTINTOS, CADA UN CO NOME DUNHA COR.

E ESTE MÉRCORES PASADO INICIÁMONOS NAS ESTACIÓNS DE XOGO E APRENDIZAXE.

EN CADA MESA HAI UNHA PROPOSTA DIFERENTE E SON OS PEQUES OS QUE VAN ROTANDO POR ELAS CADA 10 MINUTOS, APROXIMADAMENTE. 

AS PROPOSTAS DESTA SESIÓN FORON:

- XOGO E EXPERIMENTACIÓN CON POLICUBOS: CONSTRUÍR TORRES BAIXAS E ALTAS, OU OUTRAS FIGURAS LIBREMENTE.

- XOGO CON OSIÑOS DE CORES: CON PINZAS HAI QUE COLLER OS OSIÑOS E COLOCALOS NO SEU BOL CORRESPONDENTE, SEGUNDO A COR.

- XOGO DE ENSARTADO DE BÓLAS PARA FACER COLARES.

- TRABALLO DE PICADO E TRAZADO DE LIÑAS RECTAS.

A NOSA INICIAL E O NOSO NOME

 SEGUIMOS CO TRABALLO EN TORNO Á INICIAL DOS NOSOS NOMES ASÍ COMO O RECOÑECEMENTO GLOBAL DO NOME COMPLETO.

ASÍ, FIXEMOS UNHA ACTIVIDADE NA QUE FOMOS SEGUINDO ESTES PASOS:

- BUSCAR O NOSO NOME EN DIFERENTES LETRAS E CORES, MESTURADO ENTRE O DOS COMPIS

- PEGAR OS NOMES ARREDOR DA LETRA INICIAL

- PEGAR GOMETS REDONDOS NOS CÍRCULOS CORRESPONDENTES DA INICIAL

- PINTAR PUNTIÑOS UTILIZANDO BASTONCIÑOS E TÉMPERA DE CORES VARIADAS

E AQUÍ O EXCELENTE RESULTADO!!

DEGUSTACIÓN DE FROITAS DE OUTONO

 SEGUINDO COA TEMÁTICA DO OUTONO O VENRES TOCOU FACER UNHA CATA, UNHA DEGUSTACIÓN DALGUNHAS FROITAS DE OUTONO.

UNHA A UNHA A PROFE FOINAS PRESENTANDO, PRIMEIRO ENTEIRAS, E ASÍ PUIDEMOS ULILAS, TOCALAS, PASALAS POLA CARA PARA EXPERIMENTAR A TEXTURA, COMPROBAR O TAMAÑO E O PESO...

DESPOIS, XA SENTADOS Á MESA, PASAMOS A CORTALAS POLA METADE E PELALAS (NALGÚNS CASOS) PARA PASAR A FACER A DEGUSTACIÓN E COMPROBAR SE NOS GUSTABAN OU NON.

NESTA DEGUSTACIÓN PROBAMOS: MAZÁ, PERA, CAQUI, GRANADA, POMELO, LARANXA, MANDARINAS E KIWI. E TAMÉN TIÑAMOS CASTAÑAS, PERO QUE NON CHEGAMOS A PROBAR.

FINALMENTE, FIXEMOS UNHA FICHA NA QUE FOMOS COLOCANDO NO SITIO CORRESPONDENTE TODAS AS FROITAS DA CATA.

E AQUÍ UN ÁLBUM CON TODAS AS FOTOS DA DEGUSTACIÓN

DEGUSTACIÓN FROITAS OUTONO

CONTACONTOS DE CICLO: CAMUÑAS

 NOVA SESIÓN DE VENRES DE CONTACONTOS PARA O CICLO DE EDUCACIÓN INFANTIL.

A PROFE TANYA CONTOUNOS A HISTORIA DE "CAMUÑAS", UN MONSTRO DE ASPECTO ARREPIANTE, QUE ENTRA NO CUARTO DE BLANCA PARA COMELA. PERO A NENA, ASTUTA E VALENTE, NON SE ASUSTA E COMEZAN UN DIÁLOGO QUE ACABA POR FACERLLE DUBIDAR A CAMUÑAS DA SÚA IDENTIDADE.

GRACIAS PROFE TANYA POR ESTA HISTORIA TAN CHULA!!

 

ASÍ BROTAN OS BULBOS

 NO MES DE OUTUBRO PRANTAMOS UNS BULBOS DE NARCISOS.

AGORA, PASADO UN MES, XA COMEZAN A BROTAR E PODEMOS VER UN PEQUENO TALO VERDE!!