MÁIS RECUNCHO DE CORREDOR

 OS PEQUES DE 3 ANOS CONTINÚAN ACUDINDO CADA LUNS AO RECUNCHO DO CORREDOR E ALÍ EXPERIMENTAN E CREAN COUSAS PRECIOSAS!!!

QUE COMEN AS GALIÑAS?

 UN DOS PRODUTOS QUE TROUXERON A CLASE OS PEQUES FORON UNHAS ESPIGAS OU MAZAROCAS DE MILLO, E COMPROBAMOS QUE AS HAI DE VARIAS CORES.

E A PROFE PREGUNTOU.... QUEN COME AS ESPIGAS?

E AS RESPOSTAS FORON VARIADAS E ACERTADAS: OS NENOS E AS NENAS, E TAMÉN AS GALIÑAS!!!

ASÍ QUE... NOS PUXEMOS MANS Á OBRA PARA DEBULLAR O MILLO COAS NOSAS PEQUENAS MANS E DEDIÑOS. E LOGO DÉMOSLLE DE COMER AS NOSAS GALIÑAS E PITIÑOS.

MIRADE, MIRADE... QUE BEN O FIXERON!!!!

CANCIÓN "O OUTONO"

 SEGUINDO COA TEMÁTICA DO OUTONO NA CLASE CANTAMOS E BAILAMOS COA CANCIÓN "O OUTONO" DE UXÍA LAMBONA E A BANDA MOLONA.

CON ELA, ADEMAIS, IMOS FACENDO TODO UN PERCORRIDO POLO NOSO CORPO.

PREPARADOS E PREPARADAS PARA MOVER O ESQUELETO???

EXPOSICIÓN DE OUTONO

 DURANTE A SEMANA PASADA OS NENOS E NENAS DA CLASE DE 3 ANOS FORON APORTANDO MATERIAL PROPIO DO OUTONO: FOLLAS SECAS, FROITAS, OURIZOS, LANDRAS, CASTAÑAS, CABAZAS...

UN POR UN FORON MOSTRÁNDOLLOS AO RESTO DOS COMPIS QUE PUIDERON TOCAR, ULIR, CONTAR...

CON TODOS ELES FIXEMOS UNHA EXPOSICIÓN NA CLASE.

NO SEGUINTE VÍDEO (CON MÚSICA DE FONDO "SOL DE OUTONO" DE LUAR NA LUBRE) PODEDES VER QUE BONITA NOS QUEDOU!!!!

RUFIÑO E AS SÚAS CARTAS

 A RUFIÑO, A MASCOTA DA BIBLIOTECA, ENCÁNTALLE ESCRIBIR CARTAS NAS QUE NOS VAI CONTANDO AS SÚAS NOVIDADES.

ESTA FOI A PRIMEIRA QUE NOS ENVIOU PARA ANUNCIARNOS QUE ABRÍA A BIBLIOTECA NO MES DE OUTUBRO!!!

A LETRA DO NOSO NOME

 AGORA QUE XA ESTAMOS NO COLE DE MAIORES ALGUNHAS DAS ACTIVIDADES QUE FACEMOS VAN ENCAMIÑADAS A FAMILIARIZARNOS CO NOSO NOME.

E COMEZAMOS COA PRIMEIRA LETRA, COA NOSA INICIAL.

NESTA ACTIVIDADE, PRIMEIRO RASGAMOS TROCIÑOS DE PAPEL DE XORNAL, E DESPOIS FOMOS PEGANDO NA LETRA CORRESPONDENTE AO NOME DE CADA UN.

UNHA VEZ SECO ELEXIMOS UNHA COR PARA DARLLE MOITA ALEGRÍA A NOSA LETRA UTILIZANDO OS PINCEIS.

OUTRO DÍA A ACTIVIDADE CONSISTIU EN COMPLETAR A NOSA INICIAL CON GOMETS, QUE FOMOS PEGANDO CON MOITO XEITO!!!

NA MIÑA CARA TEÑO...

 DURANTE ESTES ÚLTIMOS DÍAS ESTIVEMOS FAMILIARIZÁNDONOS CUNHA CANCIÓN QUE FALA DAS PARTES QUE FORMAN A NOSA CARA.

E HOXE FIXEMOS UNHA ACTIVIDADE A PARTIR DELA.

CADA NENA/O TIÑA QUE PEGAR NUNHA CARA "EN BRANCO" OS DOUS OLLOS, AS DÚAS ORELLAS, A BOCA E O NARIZ.

PARA REMATAR HABÍA QUE ELIXIR UNHA COR PARA PINTAR O NOSO PELO E ENCHELO DE ALEGRÍA.

A CANCIÓN USADA É A QUE SE ESCOITA NO SEGUINTE VÍDEO!!!