CONTACONTOS DO ALUMNADO: LUCAS E ELENA, DE 3º DE PRIMARIA

 O DÍA SEGUINTE CONTINUAMOS CON OUTRA SESIÓN A CARGO DE DOUS ALUMNOS DE 3º DE PRIMARIA, ELENA E LUCAS.

O CONTO ELIXIDO POR ELES FOI "O LADRÓN DE PALABRAS" E QUE NOS GUSTOU UN MONTÓN.

GRACIÑAS POR VISITARNOS!!

CONTACONTOS DO ALUMNADO: SARA E ELOY, DE 4º DE PRIMARIA

 ELOY E SARA, DE 4º DE PRIMARIA, INAUGURARON AS SESIÓNS DE CONTACONTOS DO ALUMNADO DESTE CURSO.

ORGANIZADO DESDE A BIBLIOTECA, O ALUMNADO MAIOR DO COLE (DE 3º A 6º DE PRIMARIA) EXERCEN DE CONTADORES DE HISTORIAS PARA OS MÁIS PEQUENOS.

SARA E ELOY CONTÁRONNOS "XA VOOOOU" E ESTAMOS MOI, MOI AGRADECIDOS!!

VISITA Á EXPOSICIÓN "COMEDY WILDLIFE"

 O PASADO LUNS 2 DE FEBREIRO TIVEMOS A NOSA PRIMEIRA SAÍDA EN AUTOBÚS DESTE CURSO.

FOMOS ATA PONTEVEDRA, AO CAFÉ MODERNO DE AFUNDACIÓN, PARA VER A EXPOSICIÓN "COMEDY WILDLIFE".

NESTA EXPOSICIÓN PUIDEMOS VER FOTOGRAFÍAS SELECCIONADAS NOS RECOÑECIDOS PREMIOS COMEDY WILDLIFE PHOTO, ENTRE OS ANOS 2015 E 2022.

TRATÁBASE DUNHA MAGNÍFICA COLECCIÓN DE IMAXES DA NATUREZA CUNHA SINGULARIDADE, DIFERENTES ESPECIES ANIMAIS AMOSANDO AS SÚAS EMOCIÓNS.

ADEMAIS, TAMÉN PUIDEMOS PARTICIPAR NUN OBRADOIRO DE ELABORACIÓN DE XABÓN.

UNHA XORNADA ESTUPENDA!!!

LIBRO VIAXEIRO ASÍ SOMOS: NICOLAI

PARADA DO LIBRO VIAXEIRO NA CASA DE NICOLAI.

CONTOUNOS UN MONTÓN DE COUSIÑAS SOBRE EL: ENCÁNTANLLE OS DINOSAURIOS E TAMÉN TODO O RELACIONADO COA CONSTRUCIÓN, OS MOTORES E AS OBRAS.

TAMÉN NOS PRESENTOU A SÚA FAMILIA E CONTOUNOS QUE LLE ENCANTAN OS XEADOS DE CHOCOLATE.

PERO SE QUEREDES SABER MÁIS... AQUÍ ESTÁ A SÚA PÁXINA DO LIBRO.

NORABOA NICOLAI!!

 

OBRADOIRO DE ELABORACIÓN DE DISFRACES

 NOS DÍAS PREVIOS Á FESTA DO ENTROIDO NO COLE TIVERON LUGAR DOUS OBRADOIROS DE ELABORACIÓN DE DISFRACES NA CLASE DE 3 ANOS.

TEA AZUL E GOMA EVA DE DIFERENTES CORES, MOITAS GANAS DE TRABALLAR... CONVERTÉRONSE NUNS BONITOS DISFRACES DE PEIXIÑOS.

MOITAS GRACIAS A TODAS AS FAMILIAS POLA VOSA COLABORACIÓN, SEN VÓS NON SERÍA POSIBLE!!

ALIMENTACIÓN SAUDABLE: FROITA NO COLE

 DURANTE QUINCE DÍAS (A FINAIS DE XANEIRO E COMEZOS DE FEBREIRO) INICIAMOS NO COLE UN PERÍODO DE CONSUMO DE FROITA FRESCA.

TIVEMOS A OPORTUNIDADE DE DEGUSTAR PLÁTANOS, MAZÁS, PERAS, FRESAS, KIWIS, ARÁNDANOS, UVAS...

E OS PEQUES DE 3 ANOS DEMOSTRARON QUE SON UN CLARO EXEMPLO DE ALIMENTACIÓN SANA E RESPONSABLE.

NORABOA!!

ESTRELAS NAS ONDAS DO MAR

 NUNHA DAS SESIÓNS DE GRAFISMO CREATIVO RELACIONADAS CO PROXECTO DE MARES E OCÉANOS FIXEMOS UNHA ESTRELA SOBRE AS ONDAS DO MAR.

PRIMEIRO PRACTICAMOS GRAFOS ONDULADOS NA PIZARRA DIXITAL.

DESPOIS PRACTICAMOS O MESMO TRAZO CON ROTULADORES EN PAPEL.

A CONTINUACIÓN FIXEMOS AS ONDAS DO MAR UTILIZANDO PINCEL E TÉMPERA AZUL, ESCURA E CLARA.

FINALMENTE, PINTAMOS UNHA ESTRELA (VERMELLA OU LARANXA) QUE PEGAMOS SOBRE AS ONDAS CANDO TODO ESTABA SECO.

E AQUÍ OS DIFERENTES RESULTADOS!!