ESTE MÉRCORES CONTINUAMOS COAS ESTACIÓNS DE APRENDIZAXE.
PRIMEIRO XUNTÁMONOS TODOS EN ASAMBLEA PARA ESCOITAR COMO A PROFE NOS EXPLICA EN QUE CONSISTE CADA ESTACIÓN.
DESPOIS XA PASAMOS ÁS MESAS PARA IR FACENDO AS ROTACIÓNS QUE FORON AS SEGUINTES:
- MONTAXE DO NOME DOS COMPIS DE EQUIPO. PRIMEIRO TIÑAMOS QUE FORMAR O NOME PROPIO PEGANDO AS LETRAS DEBAIXO PARA DESPOIS IR FACENDO OS DOS AMIGOS E AMIGAS DE MESA.
- EXPERIMENTACIÓN CON PLASTILINA: FACENDO CACHIÑOS PEQUENOS OU "CHURROS" HABÍA QUE POÑER PLASTILINA ENCIMA DOS TRAZOS ELIXIDO POR CADA QUEN.
- SERIES CON FROITOS SECOS DE OUTONO: UTILIZANDO PLANTILLAS DE SERIACIÓN HABÍA QUE COLOCAR OS FROITOS SECOS CORRESPONDENTES, ABELÁS, AMÉNDOAS, CASTAÑAS E NOCES.
- IDENTIFICACIÓN DO NÚMERO 1 E 2 E TRABALLO DA PINZA MANUAL: HABÍA MOITAS TARXETAS CON 1 OU 2 ELEMENTOS NOS QUE TIÑAN QUE IDENTIFICAR O NÚMERO E MARCALO CUNHA PINZA DA ROUPA. AO DARLLE A VOLTA PODÍAN COMPROBAR SE ESTABA CORRECTO, PARA FOMENTAR UN TRABALLO AUTÓNOMO.
