INAUGURACIÓN DOS XOGOS DE PASILLO

 COA PROFE TANYA COMEZAMOS ESTA SEMANA AS ACTIVIDADES E XOGOS NO RECUNCHO DE PASILLO.

PUIDEMOS PROBAR A MESA DE LUZ, FACER CREACIÓNS CON LEGOS OU EXPERIMENTAR NA BANDEXA "TUFF TRAY".

AQUÍ VOLVEREMOS TODOS OS MARTES E EN ALGUNHA OUTRA OCASIÓN!!

GRAFISMO CREATIVO: PEGATINAS REDONDAS

 ESTE MARTES TIVEMOS UNHA PRIMEIRA SESIÓN DE GRAFISMO CREATIVO, APROVEITANDO UN DESDOBRE EN DOUS GRUPOS COA PROFE TANYA, EN RECUNCHOS DE PASILLO

O GRAFISMO CREATIVO É UNHA MANEIRA MÁIS DIVERTIDA DE TRABALLAR A GRAFOMOTRICIDADE, PASO PREVIO E DE ACOMPAÑAMENTO Á ESCRITURA,  E DUNHA FORMA ARTÍSTICA.

ESTA ACTIVIDADE TEN COMO OBXECTIVO QUE O PEQUE ADQUIRA AS HABILIDADES NECESARIAS DE TRAZOS, SIGNOS, FORMAS, ETC.

ESTA PRIMEIRA SESIÓN CONSISTIU EN PEGAR GOMETS CON FORMA DE CÍRCULO DE 3 TAMAÑOS DIFERENTES E CORES VARIADAS AO GUSTO DE CADA PEQUE.

NO SEGUNDO PASO, UTILIZANDO ROTULADORES, TIÑAN QUE RODEAR CADA CÍRCULO, FACERLLE UNHA CASIÑA REDONDA.

COMO EN MOITAS ACTIVIDADES O IMPORTANTE É O PROCESO MÁIS QUE O RESULTADO FINAL, E AQUÍ TENDES UNHA MOSTRA DE AMBAS!!!

 

 

 

A NOSA PRIMEIRA SEMANA NO COLE DE CAMPAÑÓ

 DURANTE ESTA PRIMEIRA SEMANA DE COLE, DE ADAPTACIÓN, FIXEMOS UN MONTÓN DE ACTIVIDADES E XOGOS PARA COÑECER A NOSA ESCOLA.

ESTIVEMOS DESCUBRINDO OS RECUNCHOS DE XOGO: CASIÑA, COCHES, ANIMAIS, PUZZLES, CONTOS, ARTE...

TAMÉN PUIDEMOS COÑECER O PATIO DE XOGOS NO EXTERIOR, CON TOBOGÁNS, MOTOS, PATINETES... E UN AREEIRO QUE DESCUBRIREMOS CANDO NON CHOVA E ESTÉ SECA A AREA. 

OUTRA ZONA QUE NOS GUSTOU MOITO É O XIMNASIO, ONDE IREMOS CO PROFE VÍCTOR. ALÍ XOGAMOS CON PELOTAS, BLOQUES DE ESPUMA...

POR PRIMEIRA VEZ SUBIMOS Á BIBLIOTECA, A COÑECER A RUFIÑO E O MONTÓN DE CONTOS QUE ALÍ HAI. IREMOS SEMANALMENTE COA PROFE TANYA.

XA NA CLASE TIVEMOS UN RATIÑO DE XOGO CON PLASTILINA E CON TODAS AS FERRAMENTAS DISPOÑIBLES: ROLOS, COITELOS, TESOIRAS...

 

TAMÉN XOGAMOS CON PUZZLES DE MADEIRA, QUE SE NOS DOU MOI, MOI BEN.

MERENDAMOS POR PRIMEIRA VEZ NO COLE, DESPOIS DE LAVAR E SECAR AS NOSAS MANS. AO REMATAR OLLAMOS OS CONTOS DA NOSA BIBLIOTECA DE AULA.

 

 

 

PARA PODER IR DUN SITIO A OUTRO FIXEMOS UNHAS FILAS XENIAIS!! 

COMEZAMOS CO PROXECTO QUE LEVAREMOS A CABO ESTE TRIMESTRE: OS CONTOS!!!

E O PRIMEIRO FOI... O POLO PEPE!!! O SEU LIBRO, A SÚA CANCIÓN E MOITOS XOGOS E ACTIVIDADES PARA APRENDER CON ESTE POLIÑO.

 

 

 

 

FOMOS MONTANDO A NOSA CLASE E COLOCANDO OS IDENTIFICADORES COA NOSA FOTO E O NOSO NOME: NOS PERCHEIROS, NOS CASILLEIROS, NAS MESAS... PARA ISO ELIXIMOS UNHA COR DE CARTULINA QUE NOS GUSTARA MOITO.

ADEMAIS TAMÉN PINTAMOS AS NOSAS MANS PARA DECORAR A PORTA DA NOSA CLASE COAS NOSAS PEGADAS.

E REMATADA ESTA SEMANA... A NOSA MEDALLA DE PERÍODO DE ADAPTACIÓN SUPERADA!!

CONTINUAREMOS...

COMEZAMOS UNHA ANDAINA XUNTOS

 ESTE LUNS, 8 DE SETEMBRO, COMEZARON UNHA ANDAINA XUNTOS ESTES 17 PEQUES.

QUEDA UNHA LONGA VIAXE POR DIANTE ACOMPAÑADOS DAS PROFES ONDE XOGAREMOS, BAILAREMOS, APRENDEREMOS... E VIVIREMOS UN MONTÓN DE AVENTURAS QUE IREMOS RECOLLENDO NESTE BLOG.

COMEZAMOS!!!